Malaýziýanyň Kelantan ştatynda «kim has gowy aglaýar» bäsleşigi geçirildi. Bäsleşigiň ýeňijisi Wakaf-Baru şäherçesinden gelen erkek adam boldy we oňa ýeňiş gazanan hökmünde 150 dollar pul baýragy berildi diýip, New Straight Times neşiri ýazýar.
Bäsleşigiň final tapgyrynda baş «aglak» üç garşydaşyny ýeňmegi başardy.
Bu bäsleşik Expo Kelantan çäresiniň çäklerinde gurnaldy we başy deslapky tapgyrlardan başlady. Başlangyç tapgyrlara jemi 25 adam gatnaşdy. Gatnaşyjylara gerek bolan duýgyny döretmek we olara degişli atmosferany bermek üçin gurnaýjylar täsirli we gamgyn fon aýdymyny goýberdiler. Şeýle-de diktor gatnaşyjylaryň hersiniň ýanyna mikrofon tutdy, şeýlelikde tomaşaçylar olaryň ýeňişli gözýaşlaryny eşitdiler.
Garaşylmadyk ýagdaýda bu täsin ýaryş uly üns çekdi. Bäsleşigiň sosial torlarda neşir edilen wideosy meşhur boldy we takmynan bir million adam tomaşa etdi.
«Men bu çäre beýle uly gyzyklanma döreder diýip garaşmandym» diýip, Expo Kelantan çäresiniň gurnaýjysy Muhamad Nur Amin Çe Nor Asri aýtdy.
Onuň sözlerine görä, bu bäsleşik çäreleri has gyzykly geçirmek üçin, şeýle-de geçirilen çäreleri goldan tomaşaçylara minnetdarlyk bildirmek maksady bilen gurnalypdyr.
