“Realyň” öňki goragçysy özüniň futboldaky ýoly barada gürrüň berýän we karýerasyndaky möhüm pursatlary ýada salýan wideony çykardy. Netijede, 36 ýaşly futbolçy özüniň karýerasyny tamamlaýandygyny habar berdi.
“Futbola bolan söýgim maňa kakamdan geçdi. Ol professional futbolçy bolmagymy isledi we muny üçin elinden gelenini etdi.
18 ýaşymdakam “Real” gapymy kakdy we şeýdibem men şu ýere düşdüm. Indi men hakyky madridçidigimi buýsanç bilen aýdyp bilerin. Bu ýerde aýalym ikimiz maşgala gurduk. 16 möwsüm, 25 kubok, Çempionlar ligasynda 5 ýeňiş, olaryň birinde kapitan hökmünde... We “Bernabeuda” geçirilen ençeme jadyly agşamlar. Ine bu hakyky başdan geçirme.
“Fluminense” gaýdyp gelmegim klubuň maňa başda edenlerini yzyna gaýtaryp bermek, Kopa Libertadores ýaly üç kubok almaga kömek etmek we “Marselo Wiýeýra stadiony” görnüşinde geljek nesillere miras galdyrmak isländigimi aňladýardy.
Futbolçy hökmünde ýolum şu ýerde tamamlandy, ýöne henizem futbola berjek zatlarym bar.
Marselo wideoda: "Hemme zat üçin sag boluň” diýýär.
