Huawei kompaniýasynyň direktorlar geňeşiniň başlygy Lýan Hua geçen ýyl kompaniýanyň girdejisiniň 118 milliard dollardan geçendigini mälim etdi diýip, Reuters habar berýär.
Bu girdeji, 2023-nji ýyl bilen deňeşdirilende, kompaniýanyň maliýe görkezijisiniň 22% ýokarlandygyny aňladýar. Soňky dört ýyl göz öňüne tutulanda, maliýe görkezijileri boýunça 2023-nji ýyl Huawei üçin iň gowy ýyl boldy. 2024-nji ýylyň netijeleri hem bu ösüşi dowam etdi.
Direktorlar geňeşiniň başlygynyň sözlerine görä, esasy ugurlar boýunça 2024-nji ýylyň netijeleri kompaniýanyň ýolbaşçylarynyň çaklamalaryna laýyk geldi. Bu ýyl maglumat we kompýuter tehnologiýalary ugry durnuklylygyny saklar. Sarp edijiler pudagy bolsa täzeden ösüş ýoluna girer. Akylly ulag pudagy bolsa çalt ösmegini dowam etdirer. Şu faktorlaryň hemmesini göz öňünde tutup, olar ýyllyk girdejiniň 118,27 milliard dollardan geçjekdigine ynanýarlar.
Deňeşdirsek, Apple diňe geçen çärýekde 124,3 milliard dollar girdeji gazanypdy. Xiaomi bolsa 2024-nji ýylyň ilkinji üç çärýeginde 35,33 milliard dollar girdeji gazandy, kompaniýa entek dördünji çärýegi we ýyllyk netijeleri barada resmi hasabat bermedi.
Canalys kompaniýasynyň berýän maglumatlaryna görä, geçen ýyl Huawei Hytaýyň içerki smartfon bazarynyň 16%-ini eýeläp, Apple kompaniýasyny yzda galdyrdy. Bu statistika Huawei-niň ýolbaşçylarynyň beren beýanlary bilen hem tassyklanýar.
