Apple Music aksiýany işe girizdi: indi 2,99 dollara aýdym-saz platformasyna alty aý elýeterliligi alyp bolýar. Bu teklip diňe täze ulanyjylara degişli we, ähtimal, ABŞ-nyň ýaşaýjylary bilen çäklense gerek.
Bu bazarda şular ýaly ilkinji teklip däl. Öň, şeýle aksiýany Tidal geçirip, ujypsyz baha bilen hyzmatdan birnäçe aý peýdalanmagy teklip etdi.
Şeýlelik bilen, Apple heniz Apple Music hyzmatyny ulanyp görmedikler üçin gowy mümkinçilik hödürleýär. Ýöne aksiýanyň näçe wagt dowam etjekdigi belli däl.
Ýakynda Apple hyzmatlar biznesiniň soňky çärýekde 26,3 mlrd dollar girdeji gazanyp, rekord görkezijä ýetendigini habar berdi. Bu geçen ýyl bilen deňeşdirilende 14% köpdür. Häzirki wagtda kompaniýa App Store-da beýleki programmalar bilen birlikde işjeň ýazylyşyklaryň 1 milliarddan geçendigini hasaba aldy.
