2024-nji ýylda Spotify akym hyzmaty platformanyň taryhynda ilkinji gezek ýyllyk girdeji gazandy. 4-nji fewralda çap edilen hasabata görä, arassa girdejisi takmynan 1,14 milliard ýewro boldy diýip, Bloomberg habar berýär.
Hyzmatyň işjeň ulanyjylarynyň umumy sany 675 million adama ýetdi, seljerijiler bolsa 664,9 million bolar diýip çaklapdylar. Tölegli abonentleriň sany 263 milliona ýetdi, ýagny garaşylan 254,9 milliondan ýokary boldy.
Şwesiýanyň Spotify Technology SA kompaniýasynyň maliýe üstünligi biržada-da öz beýanyny tapdy. 4-nji fewralda geçirilen deslapky söwdada kompaniýanyň paýnamalary 7,5% ýokarlanyp, her paýnama üçin 590 dollara ýetdi. Bir gün öň, 3-nji fewralda ol 549,08 dollar bilen ýapylypdy.
2024-nji ýylda paýnamanyň ösüşi 138% boldy. Seljerijiler muny Spotify-yň ýolbaşçylarynyň audiokitaplara we podkastlara birnäçe ýyllap köp maýa goýmagyndan soň, girdejililige gönükdirmek karary bilen baglanyşdyrýarlar.
