2024-nji ýylda iň köp satylan 10 smartfonyň 7-si – iPhone, galan 3-üsi – Samsung

  • 06.02.2025 09:44
  • 3.2k+
2024-nji ýylda iň köp satylan 10 smartfonyň 7-si – iPhone, galan 3-üsi – Samsung

Canalys analitiki kompaniýasynyň gözleglerine görä, 2024-nji ýylda dünýäde iň köp satylan on smartfonyň ýedisi Apple kompaniýasy tarapyndan öndürildi. Bu barada GSMArena habar berýär.

Ilkinji onluga öz gurluşlary bilen goşulan ýeke-täk brend Samsung boldy, onuň sanawda Galaxy A15 we A15 5G, şeýle-de flagman Galaxy S24 Ultra modelleri bar.
Bazaryň öňdebaryjysy iPhone 15 bolup, onuň satuwy 36,6 mln gurluşa barabar. Bu geçen ýyl satylan umumy 1,22 mlrd smartfonyň, takmynan, 3%-ini emele getirýär.
Ikinji we üçünji orunlary iPhone 16 Pro Max we iPhone 15 Pro Max eýeledi. Olaryň yzyndan Samsung Galaxy A15 we iPhone 16 Pro gelýär.
iPhone 15 Pro we iPhone 16 altynjy we ýedinji orunda ýerleşdi, sekizinji orunda bolsa Samsung Galaxy A15 5G bar. Dokuzynjy orny Galaxy S24 Ultra eýeledi, onlugy üç ýyl mundan ozal çykarylan iPhone 13 jemledi.
2024-nji ýylda iň köp satylan smartfonlaryň onlugyna bäş flagman modeli girdi. Bu hem alyjylaryň has ösen premium gurluşlaryny satyn almaga meýilliligini görkezýär. 

Tim Kuk Apple ulanyjylaryna ýüzlendi: «Elli ýyl ozal kiçijik bir garažda uly pikir dünýä indi…»
şu gün 16:33
1.3k+

Tim Kuk Apple ulanyjylaryna ýüzlendi: «Elli ýyl ozal kiçijik bir garažda uly pikir dünýä indi…»

2026-njy ýylyň 1-nji aprelinde Apple kompaniýasynyň döredilenine 50 ýyl dolýar we kompaniýa bu sene mynasybetli birnäçe çäreleri hem-de uly tanyşdyryşlary taýýarlaýar. Apple-iň baş direktory Tim Kuk bu möhüm senäniň gelerine garaşyp durman, kompaniýanyň saýtynda Apple-iň enjamlaryndan we hyzmatlaryndan peýdalanýanlaryň ählisine gönükdirilen açyk haty çap etdi...

Apple Music EA tarapyndan döredilen aýdym-saza bellik girizmäge başlar
09.03.2026 19:31
1.1k+

Apple Music EA tarapyndan döredilen aýdym-saza bellik girizmäge başlar

Apple Music hyzmaty emeli aň arkaly döredilen kontente bellik goýmaga başlar. Bu barada NME neşiri habar berýär. Täze düzgünlere görä, distribýutorlar saz, tekst, klip ýa-da obložka döredilende emeli aňyň ulanylandygyny ýa-da ulanylmandygyny görkezmeli bolarlar...

Apple arzan bahaly iPhone 17e modelini tanyşdyrdy: satuw 11-nji martda başlar
02.03.2026 22:21
5.1k+

Apple arzan bahaly iPhone 17e modelini tanyşdyrdy: satuw 11-nji martda başlar

Apple kompaniýasy özüniň elýeterli smartfon hatarynyň täze modelini — iPhone 17e smartfonyny hödürledi. Täze model öňki iPhone 16e modeliniň dizaýnyny we ekranyň ölçegini saklap galdy. Hususan-da, smartfonda öňküsi ýaly ýokarsy gönüburç «oýukly» ekran ulanylýar...

App Store dükanynda ulanyjylaryň ýaşyny tassyklaýan täze ulgamlar işe girizildi
27.02.2026 19:22
1.3k+

App Store dükanynda ulanyjylaryň ýaşyny tassyklaýan täze ulgamlar işe girizildi

Beýleki köp sanly iri kompaniýalaryň mysalyna eýerip, Apple dürli döwletleriň we sebitleriň kanunçylyk talaplaryna laýyk gelmek maksady bilen App Store dükanynda ulanyjynyň ýaşyny barlaýan ýörite gurallary işe girizdi...