Çehiýada Brdy goraghana zolagyndaky samyrlar häkimiýetler tarapyndan heniz 2018-nji ýylda gurmagy meýilleşdirilen birnäçe bendi döretdi diýip, ČT24 teleýaýlymy habar berýär.
Bentler Padrt howdanlarynda iki gijede guruldy. Bu ýerli howdanlaryň ekoulgamyny gowulandyrdy, aýratynam, suw-batgalyk ýerleriniň tebigy landşaftyny dikeltmäge kömek etdi. Şeýle üýtgeşmeler ýerli derýa jandarlarynyň, şol sanda ýerde-suwda ýaşaýanlaryň we seýrek daş leňňejiniň ýaşaýşy üçin şertleri gowulandyrar.
Bendiň gurulmagy häkimiýetler üçin 1,2 mln dollardan gowrak pul tygşytlady diýip, Brdy goralýan sebitiniň administrasiýasynyň başlygy Bogumil Fişer aýtdy.
Ýerli häkimiýetler ilkibaşda eko-bentleriň taslamasyny 2018-nji ýylda tassyklady, ýöne ygtyýarnama almak prosesi uzaga çekdi. Çehiýada 2013-nji ýyldan bäri samyrlary goramak boýunça maksatnama hereket edýär. Häzirki günde ýurtda bu haýwanlaryň sany, takmynan, 15 müňe barabar.
