Samsung kompaniýasy Huawei Mate XT-niň bäsdeşi bolup biljek ilkinji üç eplenýän smartfonyny çykarmaga taýýarlanýar. Täze syzylan maglumatlara görä, kompaniýa bu modeli Galaxy G Fold diýip atlandyrar.
Yeux1122 insaýderiniň maglumatlary boýunça, täze model 2025-nji ýylda Samsung Unpacked tomusky çäresinde ýa-da 2026-njy ýylyň başynda hödürlener. Gurluş açylan ýagdaýynda 9,96 dýuým we ýygnalan ýagdaýynda 6,54 dýuým ekrana eýe bolar. Ekran Huawei Mate XT-niň S şekilli dizaýnyndan tapawutlylykda, G şekilli ýygnalma mehanizmi bilen goralar. Bu gurluşyň berkligini ýokarlandyrmaly.
Galaxy G Fold-yň çaklanylýan bahasy 2000 dollardan gowrak bolup, bu ony Samsung hatarynda iň gymmat smartfonlaryň birine öwürýär.
Ýokary baha garamazdan, gurluş bahasyny ödejek derejede innowasion we berk bolmagy wada berýär. Smartfonyň aýratynlyklary we çykyşynyň takyk senesi barada goşmaça maglumatlar tanyşdyrylyşa golaý belli bolup biler.
