Beýik Britaniýanyň Moldon şäherinde (Esseks graflygy) «ýurduň taryhyndaky» iň uly lakga balygy tutuldy. 34 ýaşly Şon Ing aýaly bilen balyk tutup otyrka, lakga balygy onuň toruna düşdi diýip, BBC News habar berýär.
Ony kenara çykarmak üçin Ing takmynan bir ýarym sagat güýmenmeli boldy. Onuň aýtmagyna görä, äpet lakga hiç hili ýagdaýda boýun egmek islemedi. Bir sagatlyk göreşden soň hem ol tory öňküsi ýaly güýç bilen çekmegini dowam etdirdi.
Kenara çykarlandan soň, Ing balygyň agramyny we uzynlygyny ölçedi. Lakga balygynyň uzynlygy 2,4 metrden hem geçdi, agramy bolsa 68 kilogram boldy. Ony çekmek üçin ulanylan tereziniň beýle uly balyk üçin niýetlenmändigi ýüze çykdy: lakga asylansoň, tereziniň çeňňegi egildi.
Balyk aslynda 2024-nji ýylyň sentýabr aýynda tutuldy, emma onuň rekordy resmi taýdan 2025-nji ýylyň ýanwarynda tassyklandy. Ondan öňki rekord 2024-nji ýylyň maý aýynda goýlupdy: şol wagt 64,4 kilogramlyk lakga balygy tutulypdy. Bu iki lakga hem Moldonyň golaýyndaky şol bir kölde ýaşaýardy.
