Meta korporasiýasy (Facebook we Instagram sosial ulgamlarynyň eýesi) Taýwan bilen ABŞ-ny gönüden-göni birleşdirjek täze suwasty ORCA internet kabelini geçirmegi meýilleşdirýär. Taslama bu sebitleriň arasynda ýokary tizlikli internet üçin barha artýan islegi kanagatlandyrmaga gönükdirilendir diýip, Subsea Cables habar berýär.
Suwasty optiki-süýümli kabel ORCA alty jübüt süýümden ybarat bolup, 12 000 kilometre uzalyp gider. Ol Taýwanyň Toçen şäherini Kaliforniýanyň Ermosa-Biç we Mançester şäherleri bilen baglanyşdyrar. Kabeliň işe girizilmegi 2027-nji ýylyň ikinji çärýegine meýilleşdirilýär.
Kabeliň uzynlygy we ýol ugrunda retranslýatorlaryň ýokdugy sebäpli, her jübüt süýümiň geçirijilik ukyby 12,8 Tbit/s-den köp bolmaz, umumy geçirijilik bolsa 76,8 Tbit/s bolar.
ORCA “açyk” kabel bolar, bu her jübüt süýümiň enjamlaryň aýratyn eýeleri tarapyndan dolandyryljakdygyny aňladýar. Diňe elektirk üpjünçiligi umumy bolar. Meta kabeliň ýeke-täk eýesidir, şonuň üçin çykdajylary ödemek we ulanylyş çykdajylaryny paýlaşmak üçin onuň geçirijilik ukybyny beýleki kompaniýalara satyp biler.
