Samsung smartfonlaryň on modeliniň we iki planşetiň ýedi ýylyň dowamynda täzelenme aljakdygyny tassyklady.
Sammobile çeşmesi şeýle uzak möhletli goldawa eýe bolýan gurluşlaryň sanawynyň häzirlikçe çäklidigini, ýöne täze modelleriň çykmagy bilen giňeljekdigini belleýär.
Gürrüňlere görä, hatda orta derejeli Samsung smartfonlary-da geljekde alty ýyllap täzelenme alyp biler. Häzirlikçe bolsa sanawa Galaxy S24 we S25 hatarlarynyň flagmanlary hem-de eplenýän gurluşlar girdi:
- Galaxy S24;
- Galaxy S24+;
- Galaxy S24 Ultra;
- Galaxy S25;
- Galaxy S25+;
- Galaxy S25 Ultra;
- Galaxy S25 Edge;
- Galaxy S24 FE;
- Galaxy Z Fold 6;
- Galaxy Z Flip 6.
Planşetleriň arasynda bu goldawy Galaxy Tab S10+ we Galaxy Tab S10 Ultra alar.
Samsung programma üpjünçiliginiň şeýle uzak möhletli goldawyny hödürleýän az sanly Android gurluşlaryny öndürijileriň biridir. Bu çözgüt smartfonlary uzak möhletleýin ulanmak maksady bilen satyn alýan ulanyjylar üçin möhüm sebäp bolup biler.
