Apple-yň emeli aň ulgamy bolan Apple Intelligence ýakyn wagtda fransuz, nemes, italýan, portugal, ispan, ýapon, koreý we ýönekeýleşdirilen hytaý dillerinde hem elýeterli bolar. Mundan başga-da, Hindistan we Singapur üçin ýerli inlisçe görnüşleri hem hödürlener diýip, TechCrunch habar berýär.
Kompaniýanyň 2024-nji ýylyň dördünji çärýegine degişli ýygnagynda Apple-nyň baş müdiri Tim Kuk bu goşmaça diller üçin goldawyň aprelde hödürlenjekdigini mälim etdi.
Geçen ýyl Apple Intelligence emeli aň toplumynyň ilkinji wersiýasy diňe ABŞ-nyň iňlis dilini goldaýardy. Soňra, dekabr aýynda iOS 18.2 täzelenmesi çykarylanda, Awstraliýa, Kanada, Täze Zelandiýa, Günorta Afrika we Beýik Britaniýa üçin iňlisçe goldawy hem goşuldy.
Şeýle-de kompaniýa henizem emeli aň toplumyny Ýewropa Bileleşiginde we Hytaýda elýeterli etmek baradaky meýilnamalaryny aýan etmeýär.
