Beýik Britaniýada auksionda 934 kuzowly Porsche 911 awtomobiliniň heýkeli satyldy. Alyjy onuň üçin 201 müň funt sterling (tas $250 müň) töledi diýip, “Awtopilot” habar berýär.
Neşir bu mukdara täze, hakyky Porsche 911 Carrera GTS superkaryny satyn alyp boljakdygyny belleýär.
Heýkel hakyky ululykda ýasalan. Onuň karkasy 32 millimetrlik polat turbalardan döredilip, BBS diskleri hakyky tigir elementlerini gaýtalaýar.
Bu işiň awtory özüniň karkas heýkelleri bilen belli bolan britaniýaly hudožnik Benedikt Redkliffdir. Ol öň şeýle usul bilen Lamborghini Countach superkaryny döretdi. Redkliff Porsche 911-iň mämişi turbaly maketini ilkinji gezek 2022-nji ýylda Milanyň dizaýn hepdeliginde görkezdi.
