Amerikaly maýadarlar topary TikTok-y satyn almaga isleg bildirýär. Söwdany gurnaýjy Jessi Tinsli Bloomberg agentligine olaryň 20 mlrd dollardan hem “has köp” tölemäge taýýardygyny aýtdy.
Telekeçiler platformany 25 mlrd dollar bilen bahalandyrýar.
Bellenilişi ýaly, maýadarlar toparyna MrBeast lakamy bilen tanalýan meşhur YouTube blogeri Jimmi Donaldson, Roblox kompaniýasynyň esaslandyryjylarynyň biri we baş müdiri Dewid Başuskiý, şeýle-de Anchorage Digital kompaniýasynyň esaslandyryjylarynyň biri we ýolbaşçysy Neýtan Makkoli girýär.
Öň Project Liberty topary wideo hyzmaty üçin 20 mlrd dollar teklip etdi. Bu toparyň düzümine bolsa Los Angeles Dodgers beýsbol toparynyň öňki eýesi Frenk Makkort we Shark Tank şouwynyň gatnaşyjysy Kewin O’Liri girýär.
Täze maýadarlar topary platforma bilen bagly ýagdaýy durnuklaşdyrmaga, ony ulanyjylar üçin bähbitli etmäge we ABŞ-nyň tutuş ilaty üçin maglumatlaryň howpsuzlygyny kepillendirmäge ukyplydygyna ynandyrýar.
“Biz özümizi gowy duýýarys we biziň ähli maglumatlar, serwerler we tehnologiýalar bilen ABŞ tarapyndan goldanýan toparymyz bar” – diýip, maýadarlar belleýär.
TikTok-yň eýesi bolan Hytaýyň ByteDance kompaniýasy bu habarlara heniz hiç hili teswir bermedi.
“Biz göni jogap almadyk. Olar tarapdan radio sessizlik boldy” – diýip, Tinsli belledi.
MrBeast topara goşulmak barada heniz gutarnykly karara gelmedi. Onuň wekili blogeriň birnäçe warianty gözden geçirýändigini aýtdy.
