Lexus kompaniýasy Gawaý adalarynda World Surf League çäresiniň çäklerinde sýorfing muşdaklary üçin döredilen Surf LX wnedorožniginiň konseptini hödürledi. Model özboluşly dizaýny we funksional kämilleşdirmeleri aldy. Bu ony enjamlary daşamaga we tolkunlary ýeňmäge taýyn bolmaga amatly edýär.
Modeliň daşky görnüşi “ýahta” stilinde ýerine ýetirilen. Tutuksy gök kuzow ak üçek bilen sazlaşýar. Depesinde demir ýükdan oturdyldy we oňa yzky gapynyň aňyrsyna berkidilen merdiwan bilen çykyp bolýar.
Wnedorožnik diametri 33 dýuýmlyk wnedorožnik pokryşkaly 20 dýuýmlyk tekerler bilen enjamlaşdyrylandyr.
Surf LX-iň ýük bölümi sýorfingiň tagtalaryny daşamak üçin uýgunlaşdyryldy. Onda mum çalmak üçin stol, gerekli zatlaryň saklanýan ulgamy we oturdylan sowadyjy bolup hyzmat edip biljek çekme panel bilen enjamlaşdyrylan.
Surf LX-iň tanyşdyrylyş dabarasy Lexus bilen Bütindünýä sýorfing ligasynyň arasyndaky hyzmatdaşlygyň çäginde geçirildi. Ýapon brendi guramanyň birnäçe çäreleriniň baş hemaýatkäridir.
