Täze Zelandiýanyň hökümeti Taranaki wulkanyna ýuridiki şahs statusyny berdi. Demirgazyk adada ýerleşýän bu dag ony öz ata-babalary hasaplaýan maori halky üçin möhüm ruhy we medeni ähmiýete eýe diýip, Independent ýazýar.
Täze kanun Taranakini adama mahsus bolan hukuklar, borçlar we ygtyýarlyklar bilen üpjün edýär. Indi ol “Te Kahui Tupua” ady bilen “janly we bölünmeýän bitewi” hökmünde görülýär. Bu status dagyň özüni, onuň töweregindäki depeleri we ýerleri, şol sanda ähli fiziki we metafiziki düzüjileri gurşap alýar.
Mundan başga-da, kanun kolonizasiýa döwründe maori halkyna ýetirilen zyýanyň öwezini dolmagy göz öňünde tutýar. Resminamada bu dagyň 1856-njy ýylda Taranaki sebitiniň maori halkyndan “ogurlanandygy” hem tassyklanýar.
Indi maori taýpalarynyň we hökümetiň ýörite bellenen wekilleri dagyň daş-töweregini gorar. Olar daga barýanlar üçin düzgünleri işläp taýýarlar.
Taranaki Täze Zelandiýada şahsyýet statusyny alan ikinji tebigy obýektdir. Öň şeýle çözgüt Uanganui derýasy bilen bagly kabul edilipdi.
