Saud “Al-Nasrynyň” hüjümçisi Kriştianu Ronaldu klub derejesinde 700 oýunda ýeňiş gazanan taryhda ilkinji futbolçy boldy. Portugaliýalynyň täze üstünligi barada Marca neşiri habar berdi.
Bu Saud Arabystanynyň çempionatynyň çäklerinde “Al-Nasryň” “Al-Raed” bilen duşuşygyndan soň bolup geçdi. Oýun 2:1 hasabynda “Al-Nasryň” peýdasyna tamamlandy. Ronaldu 35-nji minutda gol geçirdi.
Ronaldu professional karýerasynda birnäçe klubda ýeňiş gazandy: “Sportingde” 13 gezek, “Mançester Ýunaýtedde” – 214, “Realda” – 316, “Ýuwentusda” – 91, “Al-Nasrda” – 66 gezek.
Şeýle-de, bu oýundaky gol Ronaldu üçin karýerasynda 921-nji boldy. Ol klub derejesinde 786 gol saldy, milli ýygyndynyň düzüminde bolsa 135 gezek tapawutlandy.
Futbolçynyň “Al-Nasr” bilen şertnamasy 2025-nji ýylyň tomsuna çenli hereket edýär. Transfermarkt portalynyň maglumatlaryna görä, onuň bazar bahasy 12 mln ýewro barabar.
