Ledi Gaga “Mayhem” ady bilen ýedinji studiýa albomynyň çykjakdygyny resmi taýdan tassyklady. Ol 2025-nji ýylyň 7-nji martynda çykar. Aýdymçy plastinkany öz “pop köklerine” gaýdyp gelmegi hökmünde häsiýetlendirdi.
“Albom meniň köne muşdaklarym tarapyndan halanan pop-aýdyma gaýdyp gelmek gorkym bilen ýüzbe-ýüz bolmagymdan başlady” – diýip, Gaga belledi.
Aýdymçynyň aýtmagyna görä, döredijilik prosesi “döwük aýnany ýygnamak” ýaly bir zat bolup, ol, kämil bolmasa-da, nämedir bir owadan zady döretmäge synanyşdy.
“Hatda siz döwük bölekleri ideal derejede ýygnap bilmeseňiz hem, siz owadan we özboluşly bitewi zady döredip bilersiňiz” – diýip, aýdymçy paýlaşdy.
Albom 14 aýdymy, şol sanda eýýäm çykan “Disease” we “Die with a Smile” aýdymlaryny öz içine alar. Gaga prodýuserlik işini Maýkl Polanski, Endrýu Uott, Cirkut we Gesaffelstein bilen bilelikde alyp bardy.
Şeýle-de, aýdymçy üçünji aýdymyň we klibiň çykjakdygyny anons etdi: olaryň relizi 2-nji fewralda, “Gremmi-2025” dabarasynyň mahabat arakesmesinde bolar. Aýdym albomyň çykmagynyň buşlukçysyna öwrüler.
Mundan başga-da, Ledi Gaganyň “Uensdeý” serialynyň ikinji möwsüminde peýda boljakdygy belli boldy, ýöne aýdymçynyň roly heniz näbelli. Film Ýewropada surata düşürilýär.
