Apple üçünji uly täzelenme bolan iOS 18.3-i çykardy. Onda birnäçe täze funksiýa peýda boldy, ýöne olaryň köpüsi diňe ABŞ-da iPhone 15 Pro, iPhone 16 we iPhone 16 Pro modellerinde elýeterli bolan Apple Intelligence tehnologiýasyna degişlidir diýip, MacRumors habar berýär.
Esasy täzelik ýalan maglumatlary döretmegi sebäpli tankyda sezewar bolan Habarnamalara (Notification Summaris) degişli. Indi iOS 18.3-e habarnamalaryň sazlamalaryny göni gulplanan ekranda üýtgetmek mümkinçiligi goşuldy. Şeýle-de, bu habarnamalary adatylardan tapawutlandyrýan nyşanjyk peýda boldy. Täzelikler programmasy bolsa habarnamalardan wagtlaýyn aýryldy.
Visual Intelligence indi kamera arkaly posterleri we flaýerleri skanirläp, senenama wakalaryny döretmäge mümkinçilik berýär. Şeýle-de, emeli aň ösümlikleri we haýwanlary tanamagy öwrendi.
Bu täzelenme kalkulýatora “=” basylanda gaýtadan hasaplamak funksiýasyny goşdy. Klawiaturanyň we aýdym-saz programmasynyň näsazlyklary düzedildi.
Apple Intelligence funksiýasy awtomatik işleýär, ýöne ony sazlamalarda öçürip hem bolýar (“Sazlamalar”, “Apple Intelligence we Siri”).
Ýewropada Apple Intelligence funksiýalary aprel aýynda iOS 18.4 bilen peýda bolar. Ulgamyň indiki beta-wersiýasynyň Siri üçin täze mümkinçilikleri goşmagyna garaşylýar.
