Maglumatlary sinhronizirleýän Chrome Sync funksiýasy Google Chrome brauzeriniň köne wersiýalarynda işlemegini bes eder. Bu 2025-nji ýylyň başynda güýje girer diýip, kompaniýanyň goldaw sahypasynda beýan edilýär.
«2025-nji ýylyň başynda Google hasabyňyzyň maglumatlaryny saklaýan we sinhronizirleýän hyzmat bolan Chrome Sync funksiýasy dört ýyldan köne Chrome wersiýalarynda işlemegini bes eder» diýip, Google-yň goldaw sahypasynda habar berilýär.
Brauzeriň köne wersiýalarynda bolsa, ekranda ýalňyşlyk hakda duýduryş banneri peýda bolar we Chrome-y täzeläp sinhronizasiýany dikeltmek maslahat berler.
«Chrome Sync funksiýasynyň işlemegini dowam etdirmek üçin, brauzeriňizi enjamyňyzda elýeterli bolan iň soňky wersiýasyna çenli täzeläň. Eger brauzeriňizi dört ýyldan täze wersiýa täzeläp bilmeseňiz, Chrome Sync funksiýasyny enjamyňyzda ulanyp bilmersiňiz» diýip, Google duýduryş berýär.
