«Sen» britan kompaniýasy Halkara kosmos stansiýasyndan (ISS) göni ýaýlymda Ýeri görkezip başlady. 4K çözgütdäki wideo hemmeler üçin elýeterlidir diýip, Spacenews habar berýär.
Kamera HKS-nyň birikdirme nokadyna ornaşdyryldy.
«Göni ýaýlym arkaly biz adamlara ajaýyp planetada ýaşaýandygymyzy görkezmek hem-de daşky gurşawa degişli wakalara we howanyň üýtgemegine bolan habardarlygy artdyrmak isleýäris» diýip, «Sen» kompaniýasynyň esaslandyryjysy we baş müdiri Çarlz Blek aýtdy.
Göni ýaýlym kompaniýanyň resmi web sahypasynda elýeterlidir.
