Çempionlar ligasy: “Real” ilkinji 8-lige girmedi, “ManSiti” soňky mümkinçilikden peýdalandy

  • 30.01.2025 14:37
  • 10k+

30-njy ýanwara geçilýän gije UEFA-nyň Çempionlar ligasynyň umumy tapgyrynyň jemleýji oýunlary geçirildi. Ähli oýunlar bir wagtda oýnaldy. Netijede, pleý-off tapgyryna gatnaşyjylaryň ählisi kesgitlendi.

Umumy tapgyryň jemi boýunça esasy Ýewropa ýaryşynyň ýaryş jedwelinde öňdebaryjy “Liwerpul” boldy. Jemleýji tapgyrda mersisaýdlylar Endhowenden “PSW” toparyna garşy ätiýaçlykdaky düzümini çykardy, hasaby 2:0 etdi, ýöne gollandiýaly kluba kembek edip, 3:2 hasabynda utmaga mümkinçilik berdi (ähli gollar oýnuň birinji ýarymynda geçirildi).
Bu “Liwerpulyň” häzirki ÇL ýaryşynda ilkinji ýeňlişi boldy, galan 7 oýunda klub utup, 21 utuk gazandy. Ikinji orunda 19 utuk bilen “Barselona” ýerleşdi. Üçlügi 19 utuk bilen Londonyň “Arsenaly” jemledi.
Bulardan başga-da, 1/8 finala “Inter”, “Atletiko”, “Baýer”, “Lill” we “Aston Willa” çykdy.
9 – 24-nji orunlary eýelän galan toparlar göreşi dowam etdirmek hukugy üçin pleý-off tapgyrynda oýnar.
UEFA-nyň saýtynda pleý-offuň deslapky shemasy ýerleşdirildi. Ýeňijileri 1/8 finala çykjak pleý-off tapgyrynda şu aşakdaky jübütler bolup biler:

  • ·“Monako” / “Brest” – “PSŽ” / “Benfika”. Bu toparlardan iki jübüt düzüler, ýeňijiler ýa-ha “Liwerpul”, ýa-da “Barselona” bilen oýnar.
  • ·“Sporting” / “Brýugge” – “Atalanta” / Dortmundyň “Borussiýasy” (jübütleriň ýeňijileri ýa “Lill”, ýa-da “Aston Willa” bilen duşuşar);
  • ·“Seltik” / “Mançester Siti” – “Real” / “Bawariýa” (jübütleriň ýeňijileri ýa “Atletiko”, ýa-da “Baýer” bilen oýnar);
  • ·“Feýenoord” / “Ýuwentus” – “Milan” / “PSW” (jübütleriň ýeňijileri ýa “Arsenal”, ýa-da “Inter” bilen duşuşar).

Gyzykly ýeri, bije çekişlikde “Mançester Siti” pleý-off oýunlarynda ýa “Real”, ýa-da “Bawariýa” bilen duşuşar.
Pleý-off duşuşyklarynyň bije çekişigi 31-nji ýanwarda, 1/8, 1/4 we 1/2 finalyň bije çekişigi bolsa 21-nji fewralda Nýonda geçiriler. Ýaryşyň final oýny 2025-nji ýylyň 31-nji maýyna meýilleşdirilýär.


düýn 19:36
5.1k+

“Fenerbahçe” Mourinýuny baş tälimçi wezipesinden aýyrdy, “Beşiktaş” Sulşer bilen hoşlaşdy

Stambulyň “Fenerbahçe” futbol kluby portugaliýaly Žoze Mourinýuny toparyň baş tälimçisi wezipesinden aýyrdy. Bu barada klub X sosial ulgamynda habar berdi. Çözgüt klubuň pleý-off tapgyrynda Portugaliýanyň “Benfikasyndan” utulyp, Çempionlar ligasynyň esasy tapgyryna çykyp bilmezligi bilen baglanyşykly boldy...

düýn 13:31
8.7k+

Çempionlar ligasynyň bije çekişigi geçirildi. 36 klubuň ählisi öz garşydaşyny bildi

28-nji awgustda 2025/26 möwsüminiň UEFA-nyň Çempionlar ligasynyň bije çekişigi geçirildi. Ýewropanyň esasy ýaryşyna 36 gatnaşyjynyň ählisi umumy tapgyr boýunça öz garşydaşlaryny bildi. Her topar sekiz garşydaş: reýting boýunça düzülen 4 sebediň hersinden iki topar bilen duşuşar...

düýn 07:25
8.8k+

«Altyn asyr» toparynyň AFK-nyň Çagyryş ligasyndaky garşydaşlary belli boldy

Aziýanyň Futbol Konfederasiýasy tarapyndan geçirilýän AFK-nyň Çagyryş ligasynda çykyş edýän Türkmenistandan «Altyn asyr» toparynyň toparçadaky garşydaşlary belli boldy. Malaýziýanyň paýtagty Kuala-Lumpur şäherinde geçirilen bije çekişligiň netijesinde, «A» toparça düşen paýtagtymyzyň toparynyň garşydaşlary Butanyň «Paro», Omanyň «Al-Şabab» hem-de Gyrgyz Respublikasynyň «Abdyş-Ata» toparlary boldular...

düýn 00:59
9k+

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...