Samsung Galaxy S24 Ultra modeline suwasty merjen gaýalaryny oňat hilde surata düşürmek maksady bilen ýörite döredilen Ocean Mode režimini goşdy. Bu funksiýa aktiwistlere we alymlara zyýan ýeten ýerleri has netijeli kartalaşdyrmaga kömek eder diýip, Overclockers ýazýar.
Täze funksiýa deňiz ekoulgamlaryny dikeltmegi maksat edinýän Coral in Focus başlangyjynyň çäklerinde işlenip düzüldi.
Tehnologiýa suwuň astynda surata düşürilende hereket bilen bagly suratyň bulaşmagy we reňkleriň ýoýulmagy ýaly esasy meseleleri çözýär. Köp kadrly gaýtadan işlemek we ak reňkiň gyradeňligini optimizirlemek arkaly Ocean Mode has takyk we ýokary hilli şekilleri berýär. Bu funksiýa gök tonlary azaldyp, jikme-jiklikleri gowulandyryp, her iki sekuntdan awtomatiki usulda kadrlary alýar.
Galaxy S24 Ultra UC San Diego’s Scripps ummany öwreniş institutynyň işgärleri tarapyndan işjeň ulanylýar. Smartfon suwasty kameralar üçin arzan alternatiwa öwrüldi we 4500 inedördül kilometrde 11 000-den gowrak rifi dikeltmäge kömek etdi.
Samsung gaýtadan işlenen materiallary ulanýar we enjamlary ekologiýa taýdan arassa taslamalarda ulanar ýaly gaýtadan sazlaýar. Kompaniýa Ocean Mode režimine we beýleki enjamlara elýeterliligi giňeltmegi meýilleşdirýär.
ABŞ-nyň Milli ummanlar we atmosfera barlaglary müdirliginiň (NOAA) maglumatlaryna görä, deňizde ýaşaýan janly-jandarlaryň 25%-iniň ýaşaýşy, olaryň ummanyň düýbüniň bary-ýogy 1%-ini tutýandygyna garamazdan, merjen gaýalaryna baglydyr.
