Mekdep okuwçylarynyň arasynda “Oguz hanyň zehinli nesilleri” atly 3-nji integrirlenen olimpiada geçiriler

  • 29.01.2025 16:31
  • 12k+

Türkmenistanyň Oguz han adyndaky Inžener-tehnologiýalar uniwersiteti ýurdumyzyň orta mekdepleriniň 9-10-11-12-nji synp okuwçylarynyň arasynda matematika, fizika, himiýa, biologiýa dersleri hem-de zehin soraglary boýunça 3-nji integrirlenen olimpiada guraýar. Olimpiada etrap, welaýat we döwlet derejesinde 3 tapgyrda geçiriler.

Olimpiadanyň I tapgyry etrap derejesinde bolup, ol etrap merkezinde geçiriler. I tapgyra gatnaşjak etraplardaky mekdeplerden iň zehinli okuwçylaryň 20 sanysyny mekdebiň özi hödürleýär. I tapgyryň soraglary matematika, fizika, himiýa, biologiýa dersleri hem-de zehin soraglary boýunça bolup, ol guramaçylyk topary tarapyndan düzülýär. I tapgyr 2025-nji ýylyň mart aýynyň 10-15-i aralygynda geçiriler.
Olimpiadanyň II tapgyry welaýat, Aşgabat we Arkadag şäher derejesinde bolup, ol I tapgyrda ýeňiji bolan okuwçylaryň arasynda welaýat merkezinde we paýtagtymyzda geçiriler. II tapgyryň soraglary matematika, fizika, himiýa, biologiýa dersleri boýunça bolup, olar guramaçylyk topary tarapyndan düzüler. II tapgyr 2025-nji ýylyň 8-nji aprelinde geçiriler.
Olimpiadanyň III tapgyry, ol II tapgyrda ýeňiji bolan okuwçylaryň arasynda Türkmenistanyň Oguz han adyndaky Inžener-tehnologiýalar uniwersitetinde 2025-nji ýylyň iýun-iýul aýlarynda geçiriler. Jemleýji tapgyryň soraglary matematika, fizika, himiýa, biologiýa dersleri boýunça bolar. Okuwçylaryň tomusky dynç alyş bilen bagly çykdajylary uniwersitetiň hojalyk hasaplaşygyndaky serişdeleriň hasabyna üpjün edilýär.
Olimpiadanyň ähli tapgyrlary türkmen we iňlis dillerinde geçiriler. Ýeňiji bolanlara uniwersitetiň diplomy we sowgatlary gowşurylar. Uniwersitet tarapyndan ýeňiji bolanlara ýurdumyzyň we daşary ýurtlaryň ýokary okuw mekdeplerine girmeklerine ýardam bermek maksady bilen, «Teklip haty» (Recommendation letter) berler.
Has giňişleýin maglumat almak üçin www.etut.edu.tm internet sahypasyna girip, tanşyp bilersiňiz.
Habarlaşmak üçin telefon belgiler:  

  • +99365878870 - Aşgabat şäheri boýunça jogapkär,
  • +99362090903 Arkadag şäheri we Ahal welaýaty boýunça jogapkär, 
  • +99362601578 Balkan welaýaty boýunça jogapkär,
  • +99361110125 Daşoguz welaýaty boýunça jogapkär,
  • +99362039430 Lebap welaýaty boýunça jogapkär,
  • +99365884429 Mary welaýaty boýunça jogapkär.    

elektron poçta: oguzzehin@gmail.com


26.07.2025 19:41
17k+

Türkmenistanly talyplar halkara inžener-tehnologik kompaniýalarda tomusky önümçilik tejribesinden geçdiler

Türkmenistanyň Telekommunikasiýalar we informatika institutyň talyplary we mugallymlary halkara inžener-tehnologik kompaniýalarda tomusky önümçilik tejribesinden geçdiler. Tejribelik 1–21-nji iýul aralygynda halkara...

26.07.2025 09:32
4.5k+

23-nji awgustda Türkmenistanyň öňdebaryjy bilim işgärleriniň maslahaty geçiriler

Türkmenistanda 2025-2026-njy täze okuw ýylyna taýýarlygyň çäklerinde 23-nji awgustda ýurdumyzyň öňdebaryjy bilim işgärleriniň maslahatyny geçirmek meýilleşdirilýär. Bu barada wise-premýer B.Orazdurdyýewa Hökümet mejlisinde hasabat berdi...

24.07.2025 14:45
15k+

Türkmenistanda ýokary okuw mekdeplerine kabul edişlige gözegçilik etmek üçin onlaýn platforma işe girizildi

Türkmenistanyň Bilim ministrligi ýurduň ýokary we orta hünär okuw mekdeplerine 2025-nji ýylda kabul edişligiň ýagdaýyny beýan etmek üçin dalasgar.bilim.tm atly maglumat beriji web saýtyny işe girizdi. Bu barada ministrlikde habar berdiler...

23.07.2025 19:00
10k+

Aşgabat şäherindäki Agrosenagat orta hünär okuw mekdebi talyplyga çagyrýar

S.A.Nyýazow adyndaky Türkmen oba hojalyk uniwersitetiniň Aşgabat şäherindäki Agrosenagat orta hünär okuw mekdebi 2025/2026-njy okuw ýyly üçin aşakdaky hünärler boýunça talyplyga kabul edýär: Oba hojalygyny mehanizmleşdirmek...