Şu gije Çempionlar ligasynyň umumy tapgyry jemlener: kim gaýdar, kim galar?

Şu gije 2024/25 möwsüminiň UEFA-nyň Çempionlar ligasy ýaryşynyň umumy tapgyrynyň jemleýji oýunlary geçiriler. 8-nji tapgyryň ähli oýunlary bir wagtda oýnalar. Bu duşuşyklaryň netijesinde klublaryň ÇL-iň ýaryş jedwelindäki gutarnykly ýagdaýy kesgitlener.

Ýatladyp geçsek, ýaryş täze formatda geçirilýär – iň gowy sekiz topar gönüden-göni 1/8 finala çykar, galan 16 klub (jedwelde 9 – 24-nji orunlary eýelänler) pleý-off oýunlarynda duşuşar.
“Liwerpul” we “Barselona” 1/8 finala möhletinden ir çykdy. Soňky tapgyrda olar diňe, eger birinji utulsa we ikinji ýeňiş gazansa, ýerlerini çalşyp biler. “Arsenal” bilen “Intere” möhletinden ir çykmak üçin deňme-deňlik ýeterlik.
Çempionlar ligasynyň pleý-offunda oýnamak hukugyny “Atletiko”, “Milan”, “Atalanta”, “Baýer”, “Aston Willa”, “Monako”, “Feýenoord”, “Lill”, “Brest”, Dortmundyň “Borussiýasy”, “Bawariýa”, “Real”, “Ýuwentus” we “Seltik” gazandy.
Çempionlar ligasyndan dokuz klub – Grasyň “Şturmy”, “Bolonýa”, Praganyň “Spartasy”, “RB Leýpsig”, “Žirona”, “Srwena Zwezda”, “Zalsburg”, Bratislawanyň “Slowany” we “Ýang Boýz” gutarnykly gaýtdy.
“Şahtýoryň” ýaryşda galmak üçin az mümkinçiligi bar, ol Dortmundyň “Borussiýasyna” garşy kyn oýny başdan geçirmeli. Ýöne onuň geljekki ykbaly, esasan, beýleki oýunlaryň netijelerine baglydyr.
Bu ýerde “Mançester Siti” bilen “PSŽ-niň” ýagdaýy-da öwerlikli däl. Fransuzlar “Ştutgart” bilen duşuşar. Olara deňme-deň bolmak hem ýeterlik, ýöne utulaýsa welin, klub “Benfikanyň” “Ýuwentusdan” ýa-da “Sportingiň” “Bolonýadan” utulmagyna bil baglamaly bolar.
“Mançester Siti” (25-nji orun) öýünde “Brýugge” (20-nji orun) bilen oýnar. Belgiýalylary utmak “Sitä” ýaryş jedwelinde iň gowy gol tapawudynyň hasabyna öňe geçmäge mümkinçilik berer. APL-iň häzirki çempionyna pleý-offa çykmak üçin oýunda utmak gerek. Deňme-deň bolan ýagdaýynda-da Hosep Gwardiolanyň topary ýaryşa gatnaşmagyny bes eder.
“Barselonanyň” käbir muşdaklary toparyň utulmagyny isleýär. Näme üçin?!
Sosial ulgamlarda “Barselonanyň” muşdaklary ÇL-iň 1/8 finalyna gönüden-göni çykýan iň gowy sekiz topara Madridiň “Realynyň” goşulmazlygy üçin, topary “Atalantadan” utulmaga çagyrýar.
Karlo Ançelottiniň toparyna onsuz hem ilkinji sekizlige goşulmak kyn bolar. Hatda “Bresti” utan ýagdaýynda-da, madridlileriň ykbaly beýleki oýunlaryň netijelerine bagly bolar. “Atalanta” (7-nji orun) bilen “Realyň” (16) arasynda häzir sekiz klub, şol sanda “Brest” (13) bar.
Çempionlar ligasy, 8-nji tapgyr:

• ·“Aston Willa” – “Seltik”
• ·“Baýer” – “Sparta”
• ·Dortmundyň “Borussiýasy” – “Şahtýor”
• ·“Ýang Boýz” – “Srwena Zwezda”
• ·“Barselona” – “Atalanta”
• ·“Bawariýa” – “Slowan”
• ·“Inter” – “Monako”
• ·“Zalsburg” – “Atletiko”
• ·“Žirona” – “Arsenal”
• ·Zagrebiň “Dinamosy” – “Milan”
• ·“Ýuwentus” – “Benfika”
• ·“Lill” – “Feýenoord”
• ·“Mançester Siti” – “Brýugge”
• ·Eýndhowen “PSW” – “Liwerpul”
• ·“Şturm” – “Leýpsig”
• ·“Sporting” – “Bolonýa”
• ·“Brest” – “Real”
• ·“Ştutgart” – “Pari Sen-Žermen”