Amerikanyň Birleşen Ştatlary täze nusgadaky dollar banknotlaryny çykarmaga taýýarlyk görýär. Munuň maksady – olaryň howpsuzlygyny ýokarlandyrmak we galplyga garşy göreşmekdir. ABŞ-nyň Haşamlaýyş we çap ediş býurosynyň (Bureau of Engraving and Printing) habaryna görä, dizaýnyň täzelenişi tapgyrlaýyn ýagdaýda 2026-njy ýyldan başlap amala aşyrylar.
Ýyllap dowam eden ylmy gözlegleriň netijesinde, häzirki zaman tehnologiyalaryň kömegi bilen täze banknotlara kämilleşdirilen gorag elementleri ýerleşdiriler. Bu çäre dollara bolan ynamy saklamak we ykdysadyýetiň durnuklylygyny üpjün etmek üçin görülýär.
Täzelenen banknotlaryň resmi tanyşdyrylyşy olaryň çykaryljak senesinden alty-sekiz aý öň geçirilýär. Munuň maksady ilaty habarly etmek we hasapçy işgärlere tälim bermekdir.
Federal ätiýaçlyk ulgamy (Federal Reserve System) täzelenen banknotlaryň çykarylyş tertibini şu görnüşde yglan etdi:
- ·10 dollar – 2026-njy ýyl;
- ·50 dollar – 2028-nji ýyl;
- ·20 dollar – 2030-njy ýyl;
- ·5 dollar – 2032-nji ýyl;
- ·100 dollar – 2034-nji ýyl.
Bellenilişi ýaly häzirki wagtda 1914-nji ýyldan bäri çykarylan ähli dollar banknotlary dolanyşykda hereket edýär.
