300 million ulagyň tehniki barlagynyň seljermesi esasynda geçirilen täze barlag elektrikli ulaglaryň ygtybarlylyk we hyzmat ediş möhleti taýdan benzin we dizel bilen işleýän ulaglardan has ýokarydygyny görkezdi.
Halkara alymlar topary 2005-nji ýyldan 2022-nji ýyla çenli Beýik Britaniýada giň göwrümli barlag geçirdi. Elektrik ulagy 200 müň kilometre barabar ýol geçende onuň ortaça hyzmat möhleti 18,4 ýyl boldy. Bu adaty awtoulaglaryň görkezijilerinden ýokarydyr.
Şeýle hem elektrik ulaglarynyň ygtybarlylygynyň has çalt ösýändigi anyklandy. Önümçiligiň her ýylynda olaryň döwülmek ähtimallygy 12%, benzinli awtoulaglaryňky 6,7%, dizel awtoulaglaryňky bolsa bary-ýogy 1,9% azalýar.
Elektrik ulaglarynyň arasynda Tesla ygtybarlylykda öňdebaryjydyr. Benzin segmentinde Audiniň görkezijisi iň gowusydyr, dizel ulaglarynyň arasynda iň gowy netijäni Škoda gazandy.
Alymlar elektrik ulaglarynyň indi adaty ulaglaryň ýerini doly tutup biljekdigini nygtaýarlar. Elektrikli awtoulaglaryň önümçiligi has köp uglerod yzyny goýýan hem bolsa, uzak möhlet hyzmat edýändigi bilen, ekologiýa taýdan arassalygynyň hasabyna, bu ýetmezçiligiň öwezini dolýar. Esasanam gaýtadan dikeldilýän energiýa geçilýän şertlerde bu ähmiýetlidir.
Nature Energy žurnalynda çap edilen bu barlag köne ulag parklaryny çalyşmak we ulanylyş möhleti dolan ulaglary gaýtadan işlemek strategiýalaryny meýilleşdirmek üçin hem möhümdir.
