Xiaomi öz meýilnamasyndan öň geçip, 150 müň SU7 elektrik ulagyny üstünlikli ulanyşa iberdi. Gazanylan üstünlik barada kompaniýanyň başlygy Leý Sýun habar berdi.
CnEVPost-yň maglumatyna görä, kompaniýa geçen ýyl 139 547 sany SU7 sedanyny ibermegi başarypdy. Resmi taýdan kompaniýa 2024-nji ýylda 135 000 ulagyň gowşurylandygyny habar berdi. Şu ýyl Xiaomi 300 000 awtoulag ibermegi meýilleşdirýär.
Ýylyň ortalaryna model hataryna YU7 krossoweri goşular. Şu maksat bilen ýylda 150 000 awtoulag öndürmek üçin niýetlenen ikinji zawod açylar.
150 000 ulag bilen üstünlikli sepgide ýetilendigi baradaky habar ýaýlymda SU7 awtoulagynyň özbaşdak duralga baryş aýratynlygy görkezilýän pursady yglan edildi. Mart aýyna çenli alyjylara sedanyň adaty görnüşiniň täze şugundyr reňki hödürlener.
Hytaýda SU7-ä isleg ýokary bolmagynda galýar, bazardaky ýiti bäsdeşlige garamazdan, awtoulag üçin nobat bäş aýa çekýär. Bu modeliň meşhurlygyny we kompaniýanyň üstünliklerini görkezýär.
