Galaxy S25 hatarynyň satuwa çykmagy bilen, Samsung-yň geljekki enjamlary barada, hususan-da Galaxy Z Flip 7 barada yzygiderli täze maglumatlar peýda bolup başlady. Bu enjamlar şu ýylyň tomsunda tanyşdyrylar diýip, Notebookcheck belleýär.
Syzýan maglumatlara görä, bu ýylky modelde kamera boýunça kän bir üýtgeşme bolmaz. Galaxy Z Flip 7 öňki model ýaly, 50 megapiksel esasy kamera we 12 megapiksel giň burçly kamera bilen üpjün ediler. Öňki (selfi) kamerasy hem öňküsi ýaly 10 megapiksel sensory bilen üýtgewsiz galar.
Galaxy Club çeşmeleri, Samsung-yň esasan programmalar bilen bagly täzeliklere üns berýändigini belleýär. Suratlaryň we wideolaryň hilini gowulandyrmak üçin ProVisual Engine tehnologiýasynyň ulanylmagyna garaşylýar. Gije surata almak bilen bagly mümkinçilikleriň nähili boljakdygy barada bolsa häzirlikçe maglumat ýok.
Ýatlatsak, täze Galaxy S25 hatarynyň kameralarynda hem Ultra modelini hasaba almasak, umuman kän bir üýtgeşme bolmandy. Bu bolsa, Samsung-yň esasan flagman enjamlaryndaky programmalaýyn çözgütlere üns berýändigini görkezýär.
