Honda, Nissan we Mitsubishi awtoulag ägirtleriniň birleşmek baradaky meýilleri amala aşman galar. Mitsubishi Motors garaşsyz bolup galmagy makul bilip, täze holdinge goşulmazlyk kararyna geldi diýip, Automotive News neşiri habar berýär.
Ozal bu üç kompaniýa iri awtoulag bileleşigini döretmek mümkinçiligini ara alyp maslahatlaşypdylar. 2024-nji ýylyň dekabrynda olar, hatda meýilleri baradaky ylalaşyga hem gol çekdiler. Şeýle-de bolsa, Honda bilen Nissan çalt ylalaşyga gelen hem bolsalar, Mitsubishi bu barada pikirlenmek üçin wagt aldy. Netijede, kompaniýa garaşsyz bolup galmagy makul bildi. Mitsubishi birleşmekden ýüz öwürýändigini entek resmi taýdan tassyklamady.
Muňa garamazdan, kompaniýa henizem Nissan bilen ýakyndan baglanyşykly, sebäbi awtokonsern Mitsubishi-niň iň uly paýdarydyr we onuň paýnamalarynyň 24,05%-ine eýeçilik edýär.
