Amerikanyň “AT&T” aragatnaşyk kärhanasy bähbitli aksiýany goýberdi. Indi täze flagman Samsung Galaxy S25 Ultra smartfonyny trade-in programmasy boýunça mugt alyp bolýar. Köne smartfony, mysal üçin, 128 GB ýatly Samsung Galaxy S24-i tabşyrsaňyz, operator ony 1300 dollar bahadan satyn alýar, bu bolsa täze Galaxy S25 Ultra-nyň bahasyny ýapýar.
Bu teklip çäklendirilmedik nyrh meýilnamasyna birikdirilende elýeterli bolýar diýip, Sammobile belleýär.
Mundan başga-da, AT&T Galaxy Watch FE 2024 akylly sagady we Galaxy Tab A9 + 5G planşetini aýda bary-ýogy 1 dollara hödürleýär. 36 aý ulanylandan soň, bu enjamlar alyjynyň emlägine öwrülýär.
Samsung Galaxy S25 Ultra ABŞ-da 22-nji ýanwarda görkezildi. Smartfon Qualcomm Snapdragon 8 Elite for Galaxy prosessorynda işleýär, 200 megapiksel kamerasy we 45 Wt çalt zarýad alýan 5000 mAh batareýasy bar. Ol Android 15 operasiýa ulgamy we OneUI 7 interfeýsi bilen üpjün edilýär. Bu model 7 ýyllap täzelenmeleri alar.
