DxOMark portalynyň awtorlary Xiaomi kompaniýasynyň orta derejeli meşhur modelleriniň biri bolan täze Redmi Note 14 Pro+ 5G smartfonynyň kamerasyny seljerip gördüler.
Täze model, 200 megapiksellik kamerasyna garamazdan, o diýen tapawutly netije görkezmedi. Smartfon 118 bal alyp, umumy smartfonlaryň reýtinginde 106-njy orny eýeledi.
Bu görkeziji birbada ýaramaz ýaly görünse-de, aslyýetinde beýle däl. Mysal üçin, iPhone 12, Galaxy S21 Ultra, hatda OnePlus 10 Pro ýaly smartfonlar şu görkezijiniň derejesinde ýerleşýär.
Gynandyrýan ýeri, öňki model Redmi Note 13 Pro+ 121 bal alypdy, ýagny täze modelde kamera babatda hil ösüşi ýok, hatda biraz pes netije görkezdi.
Bilermenleriň bellemegine görä, öz bahasyndaky smartfonlaryň arasynda bu model gaty gowy surat alýar. Ýagty ýerlerde we içki mekanlarda düşürilen suratlaryň ekspozisiýasy we ak reňk balansy köplenç takyk bolýar. Giň burçly kameranyň hili hem umumylykda erbet däl diýlip bellenip geçilýär.
