“Barselonanyň” 17 ýaşly gyraky hüjümçisi Lamin Ýamal geçen möwsümde klubuň iň gowy futbolçysy diýlip ykrar edildi. Bu mynasybetli ol Aldo Rowira adyndaky baýrak bilen sylaglandy diýip, katalon klubunyň resmi saýty habar berýär.
Ispaniýaly futbolçy bu baýragy ilkinji gezek aldy. Baýragyň sany boýunça rekord “Barselonanyň” öňki hüjümçisi Lionel Messä degişli. Onuň hasabynda şular ýaly alty baýrak bar.
Kataloniýa klubunda geçen möwsümiň iň gowy zenan futbolçysy ýarymgoragçy Aýtana Bonmati boldy. Ýeňiji dürli neşirleriň žurnalistlerinden ybarat bolan emin agzalary tarapyndan kesgitlendi.
Geçen möwsümde Ýamal klub derejesinde ähli ýaryşlarda 50 oýna gatnaşdy. Ol ýedi gol we dokuz assist bilen tapawutlandy.
