Amerikaly tennisçi Medison Kiz Melburnda geçirilen Australian Open-2025 “Uly tuwulga” ýaryşynyň ýeňijisi boldy.
Ýaryşyň finalynda WTA reýtinginde 14-nji orny eýeleýän Kiz dünýäniň birinji raketkasy Arina Sobolenkony 6:3, 2:6, 7:5 hasabynda utdy. Oýun 2 sagat 4 minut dowam etdi.
Amerikaly türgen üçin bu “Uly tuwulga” ýaryşlarynda ilkinji ýeňiş boldy. Öz gezeginde, Sobolenko iki gezek (2023, 2024) Australian Open-de, bir gezek US Open-de (2024) ýeňiji boldy. Mundan başga-da, belarusly türgen Awstraliýada (2021) we ABŞ-da (2019) geçirilen ýaryşda jübüt görnüşde ýeňiji boldy.
“Uly tuwulga” ýaryşlary tennisde iň abraýlysy bolup, dört ýaryşy öz içine alýar: Awstraliýanyň (Australian Open), Fransiýanyň (Roland Garros) we ABŞ-nyň (US Open) Açyk çempionatlary, şeýle-de Beýik Britaniýada geçirilýän “Uimbldon” ýaryşy.
