2025-nji ýylda Volkswagen konserni Ýewropa Bileleşigi tarapyndan girizilen daşky gurşaw bilen bagly täze kadalar sebäpli 1,5 milliard ýewro ýitgi çeker. Bu barada nemes awtoulag konserniniň maýa goýujylar bilen gatnaşyklar bölüminiň ýolbaşçysy Rolf Wollere salgylanýan Bloomberg habar berýär.
Ýitgileriň diňe bir CO2 zyňyndylarynyň maksatly görkezijilere laýyk däldigi üçin tölenmeli jerimeler sebäpli däl, eýsem elektrik ulaglarynyň satuwdaky paýynyň artdyrmagy bilen hem baglydygy bellenilýär.
Şol bir wagtyň özünde, Volkswagen-niň girdejisini ýitirmegine garaşýar, sebäbi içinden ýandyrylýan hereketlendirijili adaty modellere garanda, az girdejili elektrik awtoulaglaryny köp satmaga mejbur bolar. Awtoulag pudagy üçin jemi jerime 15 milliard ýewro ýetip biler, şolaryň ýarysyna golaýy Volkswagen-e degişlidir.
Elektrikli awtoulaglara bolan islegiň azalýan we Hytaýyň brendleri tarapyndan bäsdeşligiň artýan şertlerinde beýle üýtgeşmeler ilkinji nobatda Tesla üçin peýdalydyr.
Şol bir wagtyň özünde Volkswagen önümçiligi optimizirlemegi dowam etdirýär. Geçen ýylyň ahyrynda konsern işçiler geňeşi we Germaniýanyň iň uly IG Metall kärdeşler arkalaşygy bilen täze şertnama baglaşdy. Bu şertnama önümçilik kuwwatyny azaltmagy we ýuwaş-ýuwaşdan 35 000 adamy işden aýyrmagy göz öňünde tutýar, bu bolsa ýylda 15 milliard ýewro tygşytlamaga ýardam etmeli.
