Google mobil enjamlarda URL salgylarynyň görkezilşiniň üýtgediljekdigini habar berdi. Öň ulanyjylar «çörek owuntyklary» diýlip atlandyrylýan, web sahypasynyň salgysynyň gurluşyny domeniň yzyndan gelýän «>» nyşanlary arkaly görýärdiler. Emma indi mobil wersiýada diňe domen barada maglumat görkeziler diýip, The Verge neşiri habar berýär.
Bu üýtgeşmeler bütin dünýäde diňe mobil enjamlar, ýagny smartfonlar we planşetler üçin güýje girýär. Emma kompýuterlerde web sahypalaryň salgylary öňküsi ýaly doly görkezilmäge dowam eder.
The Verge neşiriniň habar bermegine görä, Google bu nawigasiýa elementini aýyrmaga karar berdi, sebäbi «bu mobil enjamlarda maglumat gözleýän adamlar üçin gaty peýdasyz hasaplanýar. Şeýle-de, ekranlaryň kiçidigi sebäpli, öň hem salgylaryň köp bölegi kesilip galýardy».
Google bu täzeligiň mobil ulanyjylar üçin has amatlydygyny, şol sebäpden girizilýändigini öňe sürse-de, URL-niň gurluşyna esaslanyp web sahypalarynda gezmegi endik eden ulanyjylar üçin bu biraz kynçylyk döredip biler.
