Saud Arabystanynyň NEOM atly territoriýalary ösdürmek agentligi Şweýsariýada geçirilen Bütindünýä ykdysady forumynda «The Line» (Çyzyk) taslamasynyň gurluşygynyň ilkinji tapgyrynyň diňe bir çyzgylaryny däl-de, eýsem hakykatdanam nähili boljakdygy görkezdi.
«The Line» taslamasy Saud Arabystanynyň NEOM megapolisiniň bir bölegi hökmünde işlenip düzülen, ägirt uly we futuristik gurluşyk taslamalarynyň biridir. Taslama 170 kilometr uzynlykda, göni çyzyk görnüşinde gurlar we biri-birine garşy parallel hatarlar görnüşde ýerleşdirilen uly aýnalar bilen örtüler. Taslamanyň esasy maksady energiýa tygşytlaýjy, ekologiýa taýdan arassa we tehnologiýa taýdan öňdebaryjy şäheri döretmekdir.
Täze suratlar şäheriň içki giňişliginiň nähili guruljakdygyny göz öňüne getirmäge mümkinçilik berýär. Şeýle-de suratlarda transport ulgamyny hem görmek bolýar.
