Bir ýyl mundan öň General Motors täze dizaýn we salon bezegini alan Chevrolet Equinox 2025-iň täze dördünji neslini çykarypdy. Indi Chevrolet Equinox 2026 ýetip gelýär, ol ulaga uly bolmadyk üýtgeşmeleri we täze reňki getirer.
GM Authority neşiriniň berýän habaryna görä, Chevy Equinox 2026-nyň köpçülikleýin önümçiligine 2025-nji ýylyň 17-nji martynda başlanar. Söwda dellallary 30-njy ýanwarda deslapky sargytlary kabul edip başlarlar.
Chevy Equinox 2026 kuzowyň Polar White (reňkiň kody G4J) atly täze reňk görnüşini hödürleýär. Polar White deslap 2016-njy ýylda Equinox reňk opsiýalarynyň sanawyna goşulan Iridescent Pearl Tricoat-yň (reňkiň kody G1W) ornuny tutar.
Iridescent Pearl-de we Chevy Equinox 2025-de bolşy ýaly, Polar White diňe Activ we RS komplektasiýalarynda elýeterli bolup, LT-niň esasy komplektasiýasynda bolmaz. LT diňe Summit White reňkinde (reňkiň kody GAZ) elýeterli bolar. Polar White üçin goşmaça tölemeli bolar. Iridescent Pearl Tricoat reňki 2025-nji ýylyň modeli üçin 995 dollarlyk opsiýa hasaplanýar.
Chevy Equinox-iň dördünji nesli 1,5 litr göwrümli turbo görnüşli benzin bilen işleýän I4 LSD hereketlendirijisi bilen enjamlaşdyryldy. Awtoulag GM D2 platformasynda guruldy. Ulaglar GM-iň Meksikadaky San-Luis-Potosi zawodynda öndürilýär.
