Günde seýrek we täsin hadysa – gara reňkli maddalaryň zyňylmagy bolup geçdi. RYA-nyň Kosmos gözlegleri institutynyň Gün astronomiýasy barlaghanasynyň alymlary adaty bolmadyk hadysanyň tebigatyny düşündirdi diýip, RBK habar berýär.
“Örän seýrek, owadan we hatda birneme gorkunç hadysa biziň ýyldyzymyzda [22-nji ýanwarda] bolup geçdi. Gara reňkli arwah ýaly gurluş görünýän diskiň göni merkezinde döredi, soňra bölekleýin kosmosa zyňyldy we bölekleýin Gün täjinde dargady” – diýip, barlaghanada bellenildi.
Hadysanyň gara reňki gysga tolkunly Gün radiasiýasyny doly diýen ýaly özüne siňdirmäge ukyply bolan bitarap wodorodyň bolmagy bilen düşündirilýär. Hünärmenleriň aýtmagyna görä, zyňlan sowuk protuberanes köp mukdarda bitarap wodorody saklaýardy.
Hadysa üç sagat töweregi dowam etdi, şondan soň plazma dargady we ýitdi. Günüň, protuberanesiň we Ýeriň masştabyny deňeşdirmek üçin, alymlar hödürlenen wideoda Ýeri kiçijik gök nokat bilen bellediler.
Barlaghanada zyňyndynyň Ýere hiç hili howp salmaýandygy bellenildi.
