“Mançester Siti” Çempionlar ligasynyň umumy tapgyrynyň 7-nji oýnunda “Pari Sen-Žermenden” utulandan soň, esasy Ýewropa ýaryşyndan çykmagyň bäriýanynda boldy. Şeýle-de, 12 topardan eýýäm pleý-offa çykmak mümkinçiligini möhletinden ir ýitiren 9-ysy kesgitlendi.
Ýaryşy dowam etdirmek mümkinçiligini Ispaniýanyň “Žirona”, Serbiýanyň “Srwena Zwezda”, Awstriýanyň “Red Bull Zalsburg” we “Şturm” klublary, şeýle-de Çehiýanyň “Sparta” we Italiýanyň “Bolonýa” klublary ýitirdi. Bu klublaryň ählisi ýedi oýunda üç ýa-da ondan az utuk gazandy. Şweýsariýanyň “Ýang Boýz”, Slowakiýanyň “Slowan” we Germaniýanyň “RB Leýpsig” klublary ilkinji alty oýunda utulyp, heniz dekabrda ýaryşdan gaýtdy.
Ýaryşyň esasy faworitleriniň biri hasaplanandygyna garamazdan, “Mançester Siti” hem ýaryşdan çykmaga golaýlady. 7-nji tapgyrda Hosep Gwardiolanyň topary 2:4 hasabynda “PSŽ-den” utuldy, bolmasa 53-nji minuta çenli iňlis kluby 2:0 hasabynda utup gelýärdi.
“ManSiti” ýedi oýunda bary-ýogy iki ýeňiş gazandy. Häzir klub 8 utuk bilen ýaryş jedwelinde 25-nji orny eýeleýär, bu kluba hatda pleý-off tapgyryna çykmaga-da mümkinçilik bermeýär. Topar häzirlikçe pleý-offa gönüden-göni çykmak mümkinçiligini ýitirmedi.
Bu tapgyra geçmek üçin klub soňky oýunda Belgiýanyň “Brýugge” toparyny utmaly we parallel duşuşyklaryň netijesini yzarlamaly. Oýun 29-njy ýanwarda Angliýanyň “Etihad” stadionynda geçiriler.
Belläp geçsek, häzir “Mançester Siti” APL-den Çempionlar ligasynyň pleý-offundan uzakda bolan ýeke-täk klubdyr.
