ABŞ taryhda iň iri emeli aň infrastruktura taslamasyna 500 mlrd dollar maýa goýdy

  • 22.01.2025 18:40
  • 10k+

21-nji ýanwarda ABŞ-nyň Prezidenti Donald Trump emeli aň ulgamynda iň täze infrastruktura taslamasy bolan Stargate-e 500 milliard dollar maýa goýuljakdygyny mälim etdi. Täze taslama OpenAI, Softbank we Oracle ýaly öňdebaryjy kompaniýalar gatnaşarlar, şeýle-de Stargate ABŞ-da 100 müňden gowrak iş ornunyň döredilmegine mümkinçilik berer diýip, Reuters neşiri habar berýär.

Tramp Stargate taslamasyny «taryhyň iň uly emeli aň infrastruktura taslamasy» diýip atlandyryp, ABŞ-nyň täze tehnologiýalar ugrunda bäsdeşlige duçar bolýandygyny nygtady.

«Munuň özi tehnologiýanyň geljegini üpjün eder. Biz etjek zadymyzy bu ýurduň içinde saklamak isleýäris: Hytaý – bäsdeş, beýlekiler – bäsdeş» diýip, Tramp aýtdy.

ABŞ-nyň täze prezidentiniň aýdyşyna görä, «köp adamy» iş bilen üpjün etjek maglumat işleýiş merkezleriniň we kampuslaryň gurluşygyna eýýäm başlandy. Oracle kompaniýasynyň direktorlar geňeşiniň başlygy Larri Ellison täze maglumat işleýiş merkezleriniň Tehasda gurulýandygyny mälim etdi.

«Bu diňe biznes üçin däl, bu adamlaryň durmuşyna hem kömek eder. Emeli aň arkaly köp-köp meseleleriň çözülmegine kömek eder» diýip, SoftBank-yň baş müdiri Masaýeşi Son aýtdy.
«Muny Amerikanyň Birleşen Ştatlarynda amala aşyryp bilmegimizi men ajaýyplyk diýip hasaplaýaryn» diýip, OpenAI-yň ýolbaşçysy Sem Altman sözüni jemledi.

Şeýle hem Donald Tramp öňki prezident Jo Baýdeniň emeli aňy howpsuz ösdürmek baradaky permanyny ýatyrdy. Baýdeniň permany, milli howpsuzlyga, ykdysadyýete, jemgyýetçilik saglygyna howp abandyryp biljek emeli aň ulgamlaryny işläp düzüjileriň, howpsuzlyk barlaglarynyň netijelerini hökümet bilen paýlaşmagyny talap edýärdi. Bu perman, şeýle hem, şol barlaglar bilen bagly himiki, biologiki, radiologiki, ýadro we kiberhowpsuzlyk töwekgelçiliklerini aradan aýyrmak üçin standartlary kesgitlemegi ýörite edaralara tabşyrýardy. Respublikanlar partiýasy 2024-nji ýylda bu permany ýatyrmagy wada beripdi, sebäbi olaryň pikirine görä, perman emeli aň boýunça innowasiýalaryň döremegine päsgelçilik berýärdi.


27.03.2025 15:50
12k+

Tramp awtomobilleriň we ätiýaçlyk şaýlarynyň ABŞ-a importyna 25% paç girizdi

ABŞ-nyň Prezidenti Donald Tramp ähli import awtomobilleri we olaryň esasy komponentleri üçin 25% nyrh girizmek barada permana gol çekdi. Bu barada Ak tamyň saýtynda habar berildi. Gümrük haky 2-nji aprelden güýje...

21.03.2025 07:46
15k+

Gurbanguly Berdimuhamedow adyndaky haýyr-sahawat gaznasynyň wise-prezidenti ABŞ-nyň ilçisi bilen duşuşdy

20-nji martda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti O.Atabaýewa Amerikanyň Birleşen Ştatlarynyň Türkmenistandaky...

20.03.2025 07:31
2.3k+

ABŞ kömürden elektrik energiýasyny öndürmekligi gaýtadan ýola goýar

ABŞ-nyň Prezidenti Donald Tramp hökümete «ajaýyp, arassa kömürden» elektrik energiýasyny öndürmekligi derrew ýola goýmagy tabşyrdy. Bu barada ol Truth Social sosial torundaky sahypasynda habar berdi. Ak Tamyň ýolbaşçysynyň...

17.03.2025 12:04
3.2k+

Taryhy pursat: ýaşyl energiýa ilkinji gezek ABŞ-da kömürden öňe geçdi

ABŞ-nyň taryhynda ilkinji gezek ýel we Gün ýaly gaýtadan dikeldilýän energiýa çeşmeleri kömürden köp elektrik energiýasy öndürdi diýip, «The Verge» neşiri habar berýär. «Ember» analitika merkeziniň berýän maglumatlaryna görä...