Halkara küşt federasiýasy (FIDE) abraýly Grand Swiss 2025 ýaryşynyň geçiriljek ýerini kesgitledi. Bu ýaryş dalaşgärler ýaryşy üçin hukuk gazanmak ugrunda bäsleşjek iň gowy küştçüleri bir ýere ýygnar.
Erkekleriň we zenanlaryň arasynda ýaryş 3 – 15-nji sentýabrda Özbegistanyň Samarkant şäherinde geçiriler.
Her ýaryşda ilkinji iki orny eýeleýän ýeňijiler 2026-njy ýyldaky dalaşgärler ýaryşyna gatnaşmak üçin ýollama alar.
Mundan başga-da, FIDE beýleki möhüm ýaryşlaryň senelerini yglan etdi. Zenanlaryň arasynda dünýä çempionaty 5 – 29-njy iýulda Batumide (Gruziýa) geçiriler. Rapid we blitz boýunça dünýä çempionaty 25-nji dekabrdan 31-nji dekabr aralygynda Dohada (Katar) geçiriler.
