Kataloniýanyň “Barselonasynyň” resmi YouTube kanalyna ýazylan adamlaryň sany 20 milliona ýetdi. Netijede, klub bu görkezijä ýeten dünýäde ilkinji klub boldy diýlip, blaugrananyň metbugat gullugy habar berýär.
Milli basketbol assosiasiýasynyň bu görkeziji boýunça katalon klubundan öňe geçýän ýeke-täk sport YouTube kanaly bar. Oňa ýazylanlaryň sany 22,5 mln adama ýetýär. “Barselonanyňky” – 20,1 mln. Klubuň kanaly platformada 2006-njy ýyldan bäri hereket edýär.
Madridiň “Realynyň” bu hostingde yzarlaýan 16,3 mln adamy bar. Madridiň “Atletikosynda” – 3,91 mln.
20 oýundan soň “Barselona” La Liganyň ýaryş jedwelinde 39 utuk bilen üçünji orunda ýerleşýär. UEFA-nyň Çempionlar ligasynyň umumy jedwelinde kataloniýalylar diňe “Liwerpuldan” yza galyp, ikinji orunda barýar – ýaryşyň 6 oýnunda 15 utuk gazandy.
