“Moana 2” prokata çykandan soň sekiz hepdäniň dowamynda bir milliard dollar gazandy. Bu Disneýiň geçen ýylda şeýle mukdarda pul gazanan üçünji relizidir diýip, Variety ýazýar.
Multfilm ABŞ-da 445 million dollar, beýleki ýurtlarda 567 million dollar gazandy. “Moananyň” sikweli 28-nji noýabrda goýberildi we Minnetdarlyk gününde kassa ýygymynda rekord goýmak bilen, baýramçylygyň bäş gününde 225 million dollar gazandy (öňki rekordy 125 million dollar, 2019-njy ýylda “Doňan ýürek-2” tarapyndan goýlupdy).
“Moana-2” “Tapmaça-2”-den we “Dedpul we Rosomahiden”-den soň, Disneýiň 2024-nji ýylda çykaran 1 milliard dollar gazanan üçünji relizidir. Universal özüniň “Ýigrenji men-4”-i (969 million dollar) bilen bu görkezijä golaýlan bolsa-da, studiýanyň bäsdeşleriniň hiç biri hem bir filmde 1 milliard dollar gazanyp bilmedi.
Tankytçylaryň gapma-garşylykly seslenmelerine sezewar bolandygyna garamazdan, “Moana 2” tomaşaçylardan oňyn baha aldy we ýedi dynç gününiň dowamynda ABŞ-da ilkinji bäşlikde galmagyny dowam etdi. Variety multfilmiň üstünlikleriniň kinoteatrlaryň peýdasyna “umytly ýagdaý” bolmalydygyny belleýär, sebäbi sikweli başda akym hyzmatlarynda goýbermek isläpdiler.
