Amazon kompaniýasy Atlantik ummanynyň düýbünden geçýän ilkinji transatlantik internet kabelini çekmek üçin arza berdi. Bu kabel Irlandiýanyň günorta kenary bilen ABŞ-nyň gündogar kenaryny birleşdirer.
Datacenter Dynamics-iň habaryna görä, Amazon kompaniýasynyň MCS Ireland Ltd. bölümçesi Irlandiýanyň Kork etrabynda geofiziki barlag işlerini geçirmek üçin ýerli düzgünleşdiriji gurama arza berdi. Taslamanyň çäginde kabeliň ugruny we Kaslfrik obasyndaky terminal stansiýasynyň ýerleşýän ýerini kesgitlemek göz öňünde tutulýar.
Arzada kabeliň Irlandiýada guryýer bilen birleşjek iki nokady görkezilen, emma geçirijilik ukyby we taslamanyň tamamlanjak senesi baradaky maglumatlar häzirlikçe mälim edilmeýär.
Amazon-yň eýýämden Havfrue (AEC-2) we Marea ýaly birnäçe halkara kabel ulgamlarynda paýnamalary bar, şeýle-de bolsa ol kabel infrastrukturasynyň sany boýunça Google we Meta kompaniýalaryndan yza galýar.
Bilermenleriň pikirine görä, täze ugur AWS maglumat merkezleriniň Irlandiýada has ygtybarly internet bilen üpjün edilmegine ýardam berer.
Häzirki wagtda kabelleriň köpüsi Dublinde birikýär, emma Kork etrabynda 2015-nji ýyldan bäri işleýän Exa Express ulgamy muňa degişli däldir.
