Bitkoiniň bahasy ABŞ-nyň saýlanan prezidenti Donald Trampyň ertir geçiriljek kasam kabul ediş dabarasynyň öňüsyrasynda möhüm 100 müň dollar derejesinden geçip 105 müň dollara ýetdi diýip, Investing.com habar berýär.
2025-nji ýylyň 11-nji ýanwarynda kriptowalýutanyň bahasy 94 müň 566 dollardy, emma anna güni ol 105 müň dollardan geçip, ýylyň başyndan bäri iň ýokary derejesine çykdy. Onuň ortaça bahasy 105 müň 841 dollar boldy, emma şenbe güni 104 müň 315 dollara çenli aşaklady.
Bu ösüşiň sebäbi, geljekki administrasiýanyň kriptowalýuta meseleleri boýunça has amatly syýasat alyp barmagyna garaşylýandygy bilen baglanyşyklydyr. Tramp saýlanandan soň, bitkoin dekabr aýynda rekord 108 müň 080 dollara çenli galdy.
