Çikagoly (ABŞ) "OK Go" alternatiw rok topary “A Stone Only Rolls Downhill” atly aýdymyna täze klip çykardy. Klip 64 sany iPhone bilen düşürildi diýip, iGuides habar berýär.
Topar özüniň döredijilikli we adaty bolmadyk klipleri bilen giňden tanalýar. Aýdymçylar bu gezek klibiň aýratyn böleklerini Apple smartfonlarynyň 64 sanysy bilen ýazga geçirdiler we olary bitewi mozaika görnüşinde birleşdirdiler.
Klibiň iň gyzykly pursaty bir iPhone bilen düşürilen sahna bolup, ol ýerde 42 sany iPhone-yň bilelikde emele getiren şekili görkezilýär.
Klibi döretmek gaty kyn bolup, takyk meýilleşdirmäni talap etdi. Taslamanyň tamamlanmagy 8 gün, 1043 gaýtadan ýazgy we 31 adamyň işini talap etdi.
Klibiň nähili düşürilendigi barada giňişleýin wideo YouTube-daky Project Management Institute (PMI) kanalynda ýerleşdirilen.
