Greta Gerwigiň täze “Narniýanyň Ýazgylary” (Хроники Нарнии) filmi 2026-njy ýylyň noýabr aýynda prokata çykar. Täze film Netflix-de täze ýyldan öň neşir edilmez diýip, Variety neşiri habar berýär.
Habara görä režissýor Greta Gerwig Narniýanyň Ýazgylary kitaplary esasynda düşüren filmini ilki kinoteatrlarda görkezmek üçin Netflix-iň ýolbaşçylaryny razy etmegi başardy.
Film iki hepdeläp diňe IMAX kinoteatrlarynda görkeziler. Şeýle-de 90 ýurtda, jemi müňe golaý kinoteatry öz içine alýan prokata çykarylar. Tomaşaçylaryň islegi ýokary bolsa, görkeziliş wagty has hem uzaldylar.
Netflix üçin bu ýagdaý üýtgeşik täzelik bolup durýar. Sebäbi, kompaniýa adatça, filmlerini diňe öz platformasynda görkezýärdi. Diňe baýrak gazanmak mümkinçiligi bar bolan käbir filmler çäkli wagt bilen kinoteatrlarda görkezilýärdi. Mysal üçin, “Pyçaklar çekildi” (Достать ножи) filmi diňe bäş günläp, 700 kinoteatrda görkezilipdi.
Jemi ýedi kitapdan ybarat “Narniýanyň Ýazgylary” eserleriniň haýsysynyň filme öwrüljekdigi barada häzirlikçe maglumat ýok.
