Rolls-Royce kompaniýasy hytaýly müşderi üçin ýeke-täk nusgada döredilen eksklýuziw Phantom Dragon modelini hödürledi. Aždarhalar baradaky hytaý rowaýatlaryndan ylham alan awtomobil Phantom hatarynyň 100 ýyllygy mynasybetli Private Office Shanghai tarapyndan işlenip taýýarlandy.
Modeliň merkezi elementi 297 sany agaç böleginden ybarat mozaika bilen bezelen “Galereýa” aýna paneli boldy. Bu kompozisiýada düri goraýan iki aždarha şekillendirilen. Ony döretmek üçin ewkalipt, kerkaw we dagdan ulanyldy.
Interýer Ardent Red derisi bilen gara-gyzyl reňkde ýerine ýetirildi. Hytaý kalligrafiýasynyň stilinde ýerine ýetirilen awtoulag eýesiniň familiýasy bolsa awtomobile özboluşlylyk berýär. Starlight Headliner potology aždarhalaryň şekili we ýere gaçýan ýyldyzlar bilen bezeldi.
Awtomobil Iced Diamond Black reňki bilen boýaldy, bu hem oňa kaşaňlyk berip, aždarhalaryň nyşany bilen sazlaşdyrýar.
Tehniki aýratynlyklar Phantom üçin adaty bolup galýar: 571 at güýjüni berýän 6,75 litrlik V12 benzin turbo hereketlendirijisi. Hereket geçiriji guty – sekiz basgançakly “awtomat”. Herekete getiriji – yzky.
