Statcounter portalynyň maglumatlaryna görä, soňky 9 ýylda ilkinji gezek dünýäde Google ulgamynda gözleg talaplarynyň sany azaldy.
2024-nji ýylyň oktýabr aýynda Google-yň umumy gözleglerde paýy 89,34%-e çenli azaldy, dekabr aýynda bolsa 89,73% boldy.
Mundan öň on ýyl bäri Google 90% görkezijiden geçip, bazarda öňdebaryjy orny saklaýardy.
Hünärmenler Google-yň ýitiren paýynyň Bing, Ýandeks we Yahoo ýaly sahypalaryň arasynda paýlanandygyny belleýär.
Geçen ýylyň dekabr aýynda ChatGPT Search ady bilen gözleg ulgamyny OpenAI kompaniýasy hem hödürläp başlady. Funksiýa çeşmelere salgylanmalar bilen çalt we aktual jogaplary almaga mümkinçilik berýär. ChatGPT Search-i web-brauzerde esasy gözleg ulgamy hökmünde gurnamak bolýar. OpenAI funksiýanyň ulanmakda aňsatlygy sebäpli giňden ýaýramagyna garaşýar – çat-bot dürli saýtlarda maglumatlary gözlemek zerurlygy bolmazdan taýýar maglumaty hödürleýär.
